మిస్ చేయకూడని చిత్రం
ఏ దేశంలోనైనా, ఏ భాషలోనైనా రాజకీయ చిత్రాలు చాలా అరుదుగా వస్తూ ఉంటాయి. అటువంటివి ఆర్థికంగా విజయవంతం కావడమూ అరుదే. వర్తమాన రాజకీయ చర్రిత నేపథ్యంలో చలన చిత్రాలు నిర్మిస్తూ ఆర్థికంగా కూడా నెగ్గుకొస్తున్న ఉత్తమ దర్శకుడు కాన్ స్టంట్లెన్ కోస్టా గవ్రాస్. ఆయన ఇప్పటి దాకా తీసిన ఐదు చిత్రాలు- 'జడ్', 'కన్సెషన్', 'స్టేట్ ఆఫ్ సీజ్', ' స్పెషల్ కనెక్షన్', 'మిస్సింగ్' రాజకీయ సంఘటనల నేపథ్యంతో తీసినవే. ఆమెరికాలో మూడు సంవత్సరాల క్రిందటే విడుదలైన 'మిస్సింగ్' చిత్రం ఇప్పుడు ఇండియాకు వచ్చింది. అమెరికా రాజకీయంగానో, సైనికంగానో, బాహాటంగానో, ప్రచ్ఛన్నంగానో బడుగు దేశాల వ్యవహారాలలో జోక్యం చేసుకుంటున్న సంగతి, తనకు అనుకూలంగాలేని ప్రభుత్వాలను కూలదోసి, తనకు తొత్తులుగా ఉండే పాలకులను ప్రతిష్ఠిస్తున్న సంగతి అందరికీ తెలిసిందే. చిలీలో 1973లో జరిగిన సైనిక తిరుగుబాటులో అమెరికా పాత్ర ఉన్నదని ఈ చిత్రం అన్యాపదేశంగా ఆరోపిస్తుంది.
జీవిత సంధ్యా సంగీతం
మధుర స్మృతుల మంజూషలో అతి పదిలంగా దాచుకోవలసిన అపురూప చలన చిత్రం 'ఆన్ గోల్డెన్ పాండ్'. మలయ వీచికలా మెల్లగా తాకి మనసును ఝల్లుమనిపించే చిత్రం ఇది. సుతారంగా హృదయ తంత్రులను మీటి జీవన సంధ్యా రాగాన్ని మధురంగా వినిపించే చిత్రం ఇది. అవును-ఇది యౌవన వసంతరాగం కాదు. శృంగార రస ప్రధాన కవితా ప్రబంధం కాదు. పొద్దువాలిపోతున్న జీవితంలో సైతం సౌందర్యాన్ని చూపించి, సంగీతం వినిపించే అసాధారణ చిత్రం.
ఆడఖైదీలపై ఆడవాళ్ళ అత్యాచారాలు
నేరస్థులను దండించి, సంస్కరించి, సమాజంలో నేర ప్రవృత్తిని అదుపు చేయడానికి తోడ్పడవలసిన జైళ్ళే అవినీతి నిలయాలై, నేరాలను ఇంకా ప్రోత్సహిస్తూ, నేరస్థులు బాగుపడడానికి అవకాశం లేకుండా చేస్తున్న విషయాన్ని అత్యంత వాస్తవికంగా చూపించిన విలక్షణ చిత్రం 'ది కాంక్రీట్ జంగిల్'. ఆడవాళ్ళే నిర్వహిస్తున్న ఆడవాళ్ళ జైలులో బైట ప్రపంచానికి ఏ మాత్రం తెలియకుండా ఎన్ని ఘోరాలు జరుగుతున్నాయో సమాజం దృష్టికి తీసుకువస్తుంది ఈ చిత్రం. ఈ ఆమెరికన్ చిత్రానికి దర్శకుడు టామ్ డిసిమోన్. ఇంతకు ముందు మరే దర్శకుడూ ఇటువంటి ఇతివృత్తాన్ని తీసుకున్నట్టు లేదు. ఇది అమెరికాలో నిజంగా జరిగిన కథ అని నిర్మాతలు చెబుతున్నారు. కాని, అమెరికాలోనే కాదు - మరే దేశంలోనైనా ఇలాంటి కథ జరిగే అవకాశం ఉంది.
వేశ్యలపై హాస్య చిత్రం
సీత కష్టాలు సీతవి, పీత కష్టాలు పీతవి అన్నాడు మహాకవి.
వేశ్యల కష్టాలు వేశ్యలవి.
వృత్తి పరమైన కష్టాలు ఎంతవారికైనా తప్పవు. వేశ్యలకైనాసరే.
